1 Excellent Result ज्ञानदीप माध्यमिक आश्रमशाळा

लोणार : माध्यमिक शालांत प्रमाणपत्र परीक्षा मार्च 2024 या परीक्षेत लोणार तालुक्यातील ज्ञानदीप माध्यमिक आश्रमशाळा तांबोळा या शाळेचा दरवर्षीप्रमाणे याहीवर्षी उत्कृष्ट निकाल लागला आहे. दहावीच्या परीक्षेसाठी या शाळेतील एकूण 44 विद्यार्थी परीक्षेला बसलेले होते.

त्यापैकी प्राविण्य श्रेणीमध्ये 17 विद्यार्थी, प्रथम श्रेणीमध्ये 21 विद्यार्थी, द्वितीय श्रेणीमध्ये 05 विद्यार्थी उत्तीर्ण झालेले आहेत. विशेष बाब म्हणजे एकूण 44 विद्यार्थ्यांपैकी 43 विद्यार्थी उत्तीर्ण झाले असून यावर्षी शाळेचा एकूण निकालाची टक्केवारी 97.72% अशी उल्लेखनीय आहे.

कुमारी पूजा दीपक खिरे हिला 500 पैकी 435 गुण मिळाले असून 87% गुण मिळवून ती शाळेतून प्रथम आली आहे. द्वितीय क्रमांकावर कुमारी पुष्पा जनार्दन राठोड हिने 500 पैकी 429 गुण 85.80% मिळवून आपले स्थान मिळविले आहे तर तृतीय क्रमांकावर कुमार ऋतिक संजय राठोड 500 पैकी 427 व कुमार जितेश भारत राठोड हा विद्यार्थी 500 पैकी 427 गुण मिळवून 85.40% आपले यश संपादन केले आहे.

परीक्षेत संपादन केलेले यश हे ज्ञानदीप माध्यमिक आश्रमशाळा तांबोळा  संस्थेचे अध्यक्ष ॲड. साहेबराव सरदार, सुमित सरदार, शाळेचे मुख्याध्यापक टि.के. घेवंदे, वर्गशिक्षक व्ही.एम.घारोड तसेच दहावीला शिकविणाऱ्या सर्व शिक्षकांनी केलेल्या मार्गदर्शनामुळेच मिळाले, असे मत विद्यार्थ्यांनी व्यक्त केले. ज्ञानदीप माध्यमिक आश्रमशाळा तांबोळा संस्थेचे अध्यक्ष ॲड. साहेबराव सरदार आणि शाळेचे मुख्याध्यापक टी.के.घेवंदे यांनी विद्यार्थ्यांचे अभिनंदन केले. लोणार तालुका स्तरावर तसेच तांबोळा गावातून गुणवंत विद्यार्थिनी आणि विद्यार्थ्यांचे कौतुक केल्या जात आहे. पुढील शिक्षणासाठी शुभेच्छा हि देण्यात येत आहेत.  Excellent Result