2024 Breaking : Department of Revenue : फसवणूक

Department of Revenue : अवैद्य रेती वाहतूक प्रकरणात दंड भरणा चलनच्या माध्यमातून महसूल विभागाची फसवणूक : संबधितावर लोणार पोलिस स्टेशनला गुन्हे दाखल.

Department of Revenue : शासकीय चलनात खोडखाड केल्याचे निदर्शनास आल्याप्रकरणी ५ जणांवर गुन्हे दाखल 

जालना जिल्ह्यातील मंठा तालुक्यात येत असलेल्या तळणी परिसरात साठवणूक केलेल्या रेतीचा लोणार मार्गे विदर्भात विक्रीचा व्यवसाय मोठ्या प्रमाणावर चालतो. मात्र सध्या रेती घाट बंद असतांनाही पूर्णा नदीतून रेती उपसा करून लोणार मार्गे अवैद्य रेती वाहतुक सुरु असल्याचे निर्देशनास आल्याने लोणार तहसिल कार्यालयातील अधिकाऱ्यांनी कारवाई केली. सदर कारवाई प्रकरणात दंड आकारण्यात आला. गेल्या काही महिन्यात महसूल प्रशासनाने कारवाई करत दंड आकारून दंडाची रक्कम भरून घेतली. मात्र सदर दंड भरणा चलनच्या माध्यमातून काहींनी महसूल विभागाची फसवणूक झाल्याचा प्रकार उघडकीस आल्याने संबधितावर लोणार पोलिस स्टेशनला गुन्हे दाखल करण्यात आले आहेत. (Department of Revenue)

दरम्यान १ एप्रिल २०२४ ते ३० नोव्हेंबर २०२४ पर्यंत अवैद्यरीत्या रेती वाहतूक करणाऱ्या वाहने कारवाई प्रकरणाची तपासणी करण्यात आली. त्यामध्ये अवैद्य रेती वाहतूक प्रकरणात आकारलेल्या दंडाच्या रक्कम भरलेल्या शासकीय चलनात खोडखाड केल्याचे निर्दशनास आले.  त्यानुसार निवासी नायब तहसिलदार रामप्रसाद डोळे यांनी ११ डिसेंबर २०२४ रोजी लोणार पोलिस स्टेशनला फिर्याद दिली. फिर्यादीवरून मंठा तालुक्यातील विनोद डोईफोडे, गणेश हरिभाऊ चाटे, रामेश्वर वामन राठोड, अभिषेक जनार्धन कुंबफळे तसेच लोणार तालुक्यातील अरुण विष्णुपंत जायभाये यांच्या विरुद्ध लोणार पोलीस स्टेशनला भारतीय न्याय संहिता नुसार कलम ३१८(४) ३३८ ३३६(३) ३४०(२) ३(५) नुसार गुन्हा दाखल करण्यात आला असून पुढील तपास पोलिस निरीक्षक निमिष मेहेत्रे यांच्या मार्गदर्शनात सहाय्यक पोलिस उपनिरीक्षक धनंजय इंगळे करीत आहेत. (Department of Revenue)

संबंधीत प्रकरणाचा तपास पोलिस करीत आहेत . तसेच वर्षभरात अवैद्य रेती वाहतूक कारवाई प्रकरण दंडाच्या भरणा झालेल्या चलनाची पडताळणी करणे सुरू आहे. यामध्ये गैरप्रकार आढळून आल्यास संबंधितांवर गुन्हे दाखल करण्यात येतील.

भूषण पाटील, तहसिलदार, तहसिल कार्यालय,  लोणार.

सदर प्रकरणाची वरिष्ठ स्तरावरून स्वतंत्र समिती नेमून सखोल चौकशी करून लेखा परीक्षण केल्यास खूप मोठे रॅकेट उघडे पडू शकते. शासनाचा लाखो रुपयांचा महसूल बुडवून शासनाची फसवणूक करणारयामागे कोण सूत्रधार आहे याचा सुद्धा तपास करणे तितकेच गरजेचे आहे.