2024 Breaking Lonar : रंगली सांज पाडव्याची मैफल
‘मी लोणारकर’ टीम, मैत्री कट्टा व निसर्ग फाउंडेशन आयोजित सांज पाडवा
2024 Breaking Lonar : सुमधुर शास्त्रीय, भक्तिगीते, भावगीत अश्या शब्दसुराणी सजवला. अतिशय सुमधुर आवाजात अनेक गाण्यांनी जेष्ठ नागरिक व जनतेचे मन तृप्त केले.
2024 Breaking Lonar : उल्कानगरी लोणार येथे रंगली सांज पाडव्याची मैफल….
दीपावली निमित्त लोणार च्या इतिहासात पहिल्यांदाच ‘मी लोणारकर’ टीम, मैत्री कट्टा व निसर्ग फाउंडेशन आयोजित
सांज पाडवा या कार्यक्रमाचे आयोजन लोणार येथे करण्यात आले. लोणार वासियांनी मोठ्या उत्साहाने या कार्यक्रमाचा मोठ्या संख्येने येऊन आनंद लुटला.
लोणार शहरातील श्री छत्रपती शिवाजी महाराज उद्यान येथे 02 नोव्हेंबर 2024 रोजी सायंकाळी हा कार्यक्रम घेण्यात आला. ‘स्वरकुंज’ संगीत महाविद्यालयाचे प्रा. डॉ. अनिल सोनूने (उकळीकर) वाशीम व टीम यांनी हा कार्यक्रम यांच्या सुमधुर शास्त्रीय, भक्तिगीते, भावगीत अश्या शब्दसुराणी सजवला. अतिशय सुमधुर आवाजात अनेक गाण्यांनी जेष्ठ नागरिक व जनतेचे मन तृप्त केले.
सांज पाडवा सुरुवात प्रा.डॉ.अनिल रामकृष्ण सोनुने (उकळीकर) वाशीम यांनी केली. निवेदन प्रा.प्रवीण अ. जोशी यांनी तर सहगायक – विवेक काळे, कु.प्रिती पाठक, कु.दिशा वानखेडे, पखवाज संतोष शिंदे, तबला ओंकार पाठक, राम बारटक्के, हार्मोनियम शिवा लांडगे यांनी कार्यक्रमाला रंगत आणली.
कार्यक्रमाची सुरुवात दीप प्रज्वलन करुन झाली. सदर मैफिलीचे संचालन जितेंद्र घुले यांनी केले. दरम्यान अथितींचे स्वागत ‘मी लोणारकर’ टीम च्या चमुनी केले. कार्यक्रमाचे आभार प्रदर्शन निसर्ग फाउंडेशन च्या वतीने करण्यात आले. या कार्यक्रमाला अनेक जेष्ठ नागरिक व संगीत प्रेमी उपस्थित होते.
